جوايا هموم الدنيا مع انى لسه مدخلتهاش
وعمرى ضاع فى ثانيه واتاخد منى ببلاش
مليون جرح جوايا بيصرخوا مـــ الاهات
دايما بتبقى النهايه سطر فى كتاب الذكريات
ايام جميلة الدمعه بتزينها فى الاخر
ببكى والدنيا سامعه عاوز اخبى مش قادر
والشعر الابيض طرح قبل اوانه بكتير
ودموع وقت الفرح وفراق وبعد ومصير
حاجات حصلت فى عمرى مش قادر منسهاش
جوايا هموم الدنيا مع انى لسه مدخلتهاش
وعمرى ضاع فى ثانيه واتاخد منى ببلاش
وحتى الدموع ابتدت تبكى عليا
وبحزن اوى لما يا دموعى بتتهزى
دايما كده بتضيع حبايبى من ايديا
مكتوب عليا ده ولا من سوء حظى
دايما كده يا دنيا بتاخدى منى الحبايب
دايما كده الجرح معايا والفرح غايب
والدمعه بتفضل فى عنيا وماببكهاش
بخاف الناس تشوف دموعى تقول ضعيف
وكل ورده بزرعها بتدبل بيقتلها الخريف
ليه الدنيا ماسبتهاش تكبر ليه الدنيا ماسبتهاش
الأربعاء يونيو 18, 2008 10:13 am