اتذكر اللي صار واندم على بعض الامور
لاشك ماهو بيدي ارجع مثل اول معك
(اصعب مساحات الامل)جرح يجي وسط الشعور
واتعب مواقف دنيتي تبكي واجفف مدمعك
موقف وكان بأخره صفحه تغطيها السطور
قصه وفجأه انتهت قبل ألتقي بك واسمعك
عجزت اوضح صوره بداخلي تهوى الظهور
عجزت احدد موقفي منك واحدد موقعك
لو كان حبك ورده كان احترق عطر الزهور
ولاحسبتك ترتجي شوفي واعاند وامنعك
ليل يطول ومايجي له بعد طــــــول الليل نور
وحب يموت ويشتكي ويرد فجأه ويتبعك
طيفك دفنته واعترف كلي معك قسوه وجور
دامي نثرتك بالهوى لايمكن ارجع واجمعك
((حاول تنسى)) وانسحب هذا هو العالم يدور
انساني الله يحفظك ويكون الله بأحزانك معك
الخميس يوليو 03, 2008 9:05 am